.
القى الشاعر عبدالرحمن الحبي ابوبدر قصيدة في حفل مركز الاماره بمناسبة الاحتفال بعيد الأضحى المبارك 1435 نالت على استحسان الحضور
يامنزل السبع المثاني ياإله.
الكون كله والفلك والثقلين.
ياهازم الأحزاب وجيوش الطغاه.
ياناصر الإسلام في بدر وحنين.
ياعالمن جهر ابن آدم من خفاه.
أحفظ وطنا من عيون الحاسدين.
وأحفظ ملكنا وأنصره وأخذل عداه.
مليكنا الغالي إمام المسلمين.
وأحفظ ولي العهد حيا الله نباه.
سلمان مامثله ولي العهد الأمين
وولي ولي العهد فزعة من نصاه.
مقرن وبابه فاتحن في كل حين.
وفيصل أمير المنطقه حنا معاه.
في كل عام للملوك مبايعين.
ملوكنا آل سعود الأسرة والولاه.
ولاة أمر واحنا جنود مخلصين.
نرفع تهانينا لهم عبر القناه.
بالعيد وبنجاح حج الحاجين.
بالأمس نفرح للوطن مكبر غلاه.
واليوم في عيد الضحية فرحتين.
يالله عسى سنين دولتنا رخاه.
أمن وأمان وحامدين وشاكرين.
ياخادم البيتين ياطوق النجاه.
للمملكة من بعد رب العالمين.
من كم سنه والموج في كل اتجاه.
يصفق وحنا نحمد الله آمنين.
من فضل ربي.ثم من ربي عطاه.
الحكم والحكمة وصدق الصادقين.
مليكنا اللي م الخطاء ربي حماه.
عادل وياكم قدعفى عن مجرمين.
عفى عن الليبي وهو والله نواه.
بالقتل لكن خاب كيد الكايدين.
ويعفوا عن اللي بجنحون من الغلاه.
ويسامح المخطي من المواطنين.
ياشعبنا والله مافي العالم سواه.
مهما حكى الحاكين والمتفيهقين.
بو متعب الله يحفظه بنك الغناه.
قولوا معي يالله عسى أيامه سنين.
قولوا لجيش الداعشي يرجع وراه.
ولايفكر في بلاد الحرمين.
من وصلنا بنقص رأسه من قفاه.
ونعلقه يومين وايضا ليلتين.
ويصير عبره للخوارج من وراه..
شلة كلاب النار روس المارقين.
والرافضة والحوثي اللي من غباه.
قام إيتهدد يحسب إنا خايفين.
فليعلمون إنا هنا سقم العداه.
وإن الوطن دونه رجالن صاملين.
معاك أمانه يالمحافظ في الحياه.
وصل رسالتنا الملوك العادلين.
إنا بني خثعم تهامة والسراه.
والبادية وقت الطلب متواجدين.
بأرواحنا وسلاحنا جيش ومشاه.
مليون جندي في طلبكم جاهزين.
أقولها وانوب وألفت الانتباه.
والله مايوجد بيننا متخاذلين.
وكل القبايل مثلنا فيهم دهاه.
الطيبين بكل ديره طيبين.
صوتن من الحبي تناقله الرواه.
صداه يسري ليا حدود الفرقدين.
وختامها على النبي أزكى الصلاه.
صلوا عليه وسلموا ياسامعين .
1435/12/12
(
(
