قريت في عينك علوم قديمات
وبقيت افسر نظرتك يالغريقه
حسيتها في داخلي مثل طعنات
الله لايبقي بزهري رحيقه
افهمك وانت عارف الاتصالات
بين العيون اللي غشتها حقيقه
كنت اتوقع كل مافات قد مات
وازريت افكر صاحبي نشف ريقه
وإذا ذكرتك قمت اغني الطويلات
اكيد نفسك سببتلك حريقه
قامت لساني قايله بعض كلمات
وشلون ابحكي والمشاعر رقيقه
اسأل عيوني ترتميلك اجابات
العين بيرك والرموش الحديقه
عينك عزيزه ذاهبه للنهايات
وعيني جواهر واصللك بريقه
تجمعت كل القوافل على ذات
تبغى تزيد إجراح قلبن عميقه
دقي لهم يا اطبالهم بالمسرات
غني لهم يا افراحهم عالمسيقه
الطير يبقى طايرن بالسموات
واللي يقلل قدرها ما اطيقه
لان الطيور اللي اقصدها عنيفات
كب الطيور اللي تسوي انيقه
اللي قهرني مالنا اعتبارات
والله عالي قدرنا يا خليقه
ما اقولها كبر ولاني بمقات
نطقي سكات وشب فيني حريقه
الفهد ما هاب السيوف الصقيلات
حتى النبال اللي كثيرن زريقه
لحظات عمري صايره بالسنوات
واحيان احس إن الدهر كالدقيقه
لو كل واحد يندمج بالحكايات
صار الجمل مثل الغزال الرشيقه
اكيد صارت سابع المستحيلات
هذا الزمن يهدي علينا حقيقه
واكيد يصعب شرحها لك بالابيات
ولااظن عندي غيرها لك طريقه
لو تطلب عيوني تجيلك حلاوات
نعم الشقيق اللي يقدر شقيقه
الوقت ماضي والليالي محطات
ودروبنا صارت محطه عريقه
ولو تبتعد وتطول فيك المسافات
ماني من اللي خاين(ن) في رفيقه
(
(
