مدري على ايش اعتذرمدري وش القصه
وش ذنبي اللي جنيت وغير احولك

غلاك….قام يتلاشى..باقي(ن) نصه
حاول تخلص عليه ان جاء على بالك

اشرح لي السالفه باجلس معك حصه
عشانك اترك جميع الناس وافضالك

لعلي ادري حماسك… واقدر امتصه
لكن بذمتك …..ما تخجل من افعالك

العام مثل البحر والملح…انا فصه
اذوب في داخل اعماقك ويحلالك

واليوم تزعل…تقول الملح وش خصه
واقول تشبيه ماهو وحش يغتالك

جفاك فاق الخيال وخرب الرصه
تزعل على راحتك تضحك على حالك

كانك تبيني فقط فهمني القصه
وان شفت لك واحد(ن)غيري هنياك