عكس السريع 

[poem=”font=”Arial,4,#181803,bold,normal” bkcolor=”#FFFFFF” bkimage=”” border=”none,4,#400000″ shadow=”1″ type=2 line=1 align=center use=sp num=”0,#400000″”]
يا الله ياللي منزل الما من سماها=تدلني في قولن سديد مضمونه

تعبير عن عليان أفخـر بطرياهـا=ربعن عزيزيـن و ضيفهم دايم يعزّونـه

حاولت أعد أمجادهم واذكـر اسماهـا=بأبيات محبوكه جزله و متقونـه

ربعي بني واس ما كنت لولاهـا=وأمجادهم في حمى التاريخ مصيونـه

عز وكـرم سابقات العصور واتلاهـا=يشهدلهم حد الحصان باللي يسوونه

آل يزيد شيوخ في الحق ممشاهـا=أخوالي كرمهم سابق لصحفة قنونه

والملك والسقيفة رجالٍ تكرم لحاها=قصرهم بالعلم والإنجاز يبنـونـه

وفي تهامة رجالٍ تقهر عداها=ابن المنتشر كل طالب حق يوفونه

والكثيري على رفعة الشان مبداها=سحابة وفـا مع طيب تمطر مزونه

و ديارنا اه اه يا زينها و محلاها=الشمس بعد المطر تختال في لونه

والجو مع فيّة الأشجار يزهاها=والطير غنّى وردّت الصفيان بلحونه

الباردة وذيك الفيافي يا حسن مرقاها=وفي قبقاب أنا اشهد أن الضيق تنسونه

وفي ديار البداوة سعة الصدر تلقاها=شواص الغر وهضبة السباع يحلّونه

وادي الصدر وروعته عسانا ماعدمناها=برايش مع النقعا شرقن تشوفونه

بالله ياللي تسمع أبياتي وتقراها=كيف منكم الهجران ترضونه

شدو رحالكم والمقصد احماها=صيفكم لابد فيها تقضّونه

ديارنا منبع أدبنا بالروح نفداها=من خرج عن ولاها بلطمه يردّونه

أبيات جزله مفهومه نواياها=عكس السريع بالله عليكم لاتخذلونه

هذي أبياتي الطيب مبداها ومنهاها=وصلوا على من أمر بالدين وركونه[/poem]

وسلامتكم